La declaración de les zones tensionaes en Xixón va depender de los resultaos del informe de Vivienda

El Principáu va crear una ventena de viviendes d'arriendu algamadizu nel conceyu de Quirós      

Ovidio Zapico asegura que la declaración de Cimavilla y L'Arena como zones tensionaes en Xixón ye competencia autonómica y que va depender, polo tanto, de los resultaos del informe que ta faciendo'l so departamentu.

El conseyeru de Vivienda respondió asina al refugu ayeri nel plenu, colos votos de PP y Foro, d'aplicar la midida.

El conseyeru d'Ordenación del Territoriu anunció la creación d'una ventena de viviendes d'arriendu algamadizu en Quirós.

Con una inversión de 76.000 euros, va rehabilitase un edificiu y la cesión de la Escuela de San Pedro pa disponer d'una ufierta mui necesaria pa los que quieran quedar nun conceyu que tamién sufre'l problema del despoblamientu.