Asturies fortalezse como sede de les empreses de defensa

La comunidá yá cunta con dos centros rellacionaos cola industria del armamentu

La industria de la Defensa faise fuerte n'Asturies. Agora, la comunidá cunta con dos centros en marcha rellacionaos cola industria del armamentu. Son los de Santa Bárbara Sistemas, de la multinacional de los Estaos Xuníos General Dynamics y la fábrica de munición de l'alemana Rheinmetall, dambos en Trubia.

Amás, en La Curtidora, n'Avilés, ta'l centru d'I+D del Grupo Escribano, qu'apocayá yá anunció que va invertir nuna ampliación.

De cara al futuru, hai dos proyectos sobre la mesa, el d'Indra que s'anunciaba ayeri nel Tallerón, en Xixón, y el del consorciu Tess Defense, del que forma parte Indra y Santa Bárbara, que busquen terrenos na zona central d'Asturies pa un nuevu centru industrial rellacionáu cola defensa.

Un centru pol qu'engarren dellos conceyos, ente ellos el d'Uviéu y Siero, señalaron Alfredo Canteli, alcalde d'Uviéu y Ángel García, alcalde de Siero.