Sigue grave nel HUCA'l menor que cayó per una ventana en Grau

La Guardia Civil tomó declaración a la madre del menor de 13 años

La Guardia Civil sigue investigando los motivos polos que, ayeri, un menor de 13 años cayó dende la so vivienda en Grau. Nel momentu de los fechos nel interior de la casa taba otra menor que presentaba un golpe na cabeza. El menor sigue ingresáu nel HUCA y el so estáu ye grave.

La Guardia Civil tomó declaración esta mañana a so madre. Tamién lo fadrá con otros familiares, vecinos y testigos del socesu p’afitar si foi una cayida accidental o non.

Na casa tamién taba otra menor que presentaba un golpe na cabeza y que tamién foi treslladada al HUCA.

Dambos taben solos, ensin nengún adultu o proxenitor, porque la madre del menor de 13 años que cayó pela ventana fuera al País Vascu pa facer un trámite burocráticu y los sos dos hermanos pequeños taben nel colexu.