L'Ayuntamientu d'Uviéu entama a dexar avisos por un mal reciclaxe

La Xunión Europea esixe reciclar el 55% de la basura

Si espierten con un cartelu nel so portal d’Uviéu significa qu’un inspector revisó los cubos de la so comunidá la nueche anterior.

Enagora son namás avisos, pol Ayuntamientu nun descarta nel futuru multar, esplica José Ramón Pando, conceyal de Servicios Básicos d’Uviéu.

La Xunión Europea esixe reciclar el 55% de la basura. Porcentaxe que n’Uviéu, igual que n’otros puntos d’Asturies, queda a la metá.

Dende 2023 la ciudá instauró’l sistema de cubos de colores y dende entós nel Colexu d’Alministradores de Finques d’Asturies multiplicáronse les consultes.

Pa evitar sanciones inxustes piden que s’intensifiquen los controles a locales y comercios y que se saquen tolos díes los cubos negru y marrón, señala Juan Carlos Bachiller, vicepresidente del Colexu d’Alministradores de Finques d’Asturies.

L’Ayuntamientu d’Uviéu ábrese a valorar esta y otres propuestes de cara al añu viniente que llicitarán el nuevu contratu de recoyida de residuos y llimpieza. Lo que de xuru van inxertar ye una recoyida selmanal d’oxetos pal puntu llimpiu.