Los pescadores de Llanes reclamen reabrir el serviciu de Capitanía Marítima y de la Seguridá Social

Los afectaos lleven meses ensin poder faer les xestiones alministratives

Los pescadores de Llanes y Bustio lleven, polo menos, un mes ensin el serviciu de Capitanía Marítima y de la Seguridá Social. Les oficines tán cerraes pola falta de personal, pero la mayoría de los profesionales de la mar nun remanen internet pa faer esti tipu de xestiones.

El personal de Capitanía Marítima y de la Seguridá Social da serviciu a toles embarcaciones de los cais de Llanes y Bustio.

De los cais pesqueros son un total de 16 barcos artesanales y 60 pescadores, a los qu'habría que sumar decenes d'embarcaciones de recréu.

La mayoría vense obligaos a movese a les oficines de Ribeseya y Xixón, señala Ángel Batalla, Patrón Mayor de Llanes.

El de Llanes ye unu de los cais más importantes de la mariña asturiana.