Satisfacción ente los vecinos de la zona rural de Xixón pola instalación dos cámares de videuvixilancia

Los vecinos confíen en que valgan pa espantar a los lladrones

Dos cámares de videuvixilancia yá fueron desplegaes na zona rural de Xixón. Tán asitiaes nel cruz ente les carreteres de Castiello y de Cefontes, anque nun sedrán les úniques, destaca José María Rubiera Costales, presidente de l’asociación vecinal de Castiello

Sedrán en total 49 espardíes per 28 puntos de les parroquies afectaes polos robos.

Son dispositivos d’alta definición, tán equipaes con sistemes de llectura automática de matrícules y son capaces de detectar movimientos raros de vehículos y persones, señala Miguel Llanos, presidente de la federación vecinal de la zona rural de Xixón.

Una satisfacción pa los vecinos. Reconocen que los asaltos fueron a menos, pero que siguen produciéndose. Son conscientes de que puen llegar a espantar y piden que se complementen con mayor presencia policial.

Les cámares de videuvixilancia de la zona rural fueron aprobaes a finales de 2022 dempués d’una fola de robos, pero la so instalación foi retrasándose por problemes burocráticos.