Zapico cree qu'acoyer cinco fábriques de defensa n'Asturies ye una bona noticia si supón crear trabayu

El conseyeru critica, a la econtra, la medría en gastu militar

El conseyeru d’Ordenación del Territoriu, Urbanismu, Vivienda y Derechos Ciudadanos, Ovidio Zapico, cree que, si caltién trabayu, la llegada de nueves fábriques del sector de la defensa a Asturies ye una bona noticia. El conseyeru y coordinador xeneral d’Izquierda Xunida critica, a la escontra, la medría en gastu militar.

Declaraciones del conseyeru en Villoria, Llaviana, onde participó na colocación d’una piedra de la memoria en recuerdu d’Arturo Matías González, muertu nel campu de concentración de Mauthausen.

Una hora enantes, en Paniceres, colocóse otra en memoria de José Francisco García. Al actu fueron familiares, el grupu de deportaos d’Asturies, la directora xeneral de Memoria Democrática, Begoña Collado Villa, y l’alcalde de Llaviana.

Ellí fizo un llamamientu al espaciu de Covadonga Tomé pa que dea estabilidá al Gobiernu d’alianza dempués del alcuerdu robláu por PP y Foro.