Astilleros Gondán fai pruebes de son y estabilidá n'Avilés

La operativa de carga plantega ciertos retos pal cai

Astilleros Gondán fai pruebes de son y estabilidá del buque Gondán Ferri na ría d'Avilés. El barcu pertenez a la serie de 10 catamaranes eléctricos que fabrica l'astilleru con destín al tresporte fluvial de pasaxeros del ríu Tajo en Lisboa.

Construyíu en fibra de vidriu, tien gran reserva d'enerxía, gran velocidá y una navegación silenciosa y ensin emisiones de C02. La operativa de carga d'estos ferries dende'l cai de Navarro plantega ciertos retos pal cai, que resuelve con soluciones anovadores.

Cárguense dende l'agua non dende'l cascu, los buzos enganchen cada catamarán, de más de 100 tonelaes, sol agua. Llevántense polos puntales del costáu de los buques porteadores nuna operación lenta y cuidadosa na que se va poniendo pesos a esti buque nodriza, enllenando y vaciando los sos tanques d'agua, pa evitar que s’escore nel procesu.

Una vez a bordu, tienen que ser cuidadosamente centraos y amarraos yá que van na cubierta del buque y non na bodega.