Los pequeños comercios ufiértense a formar a alumnáu de FP

Una propuesta precursora de XPTA pa garantizar el relevu xeneracional

Nos cinco años vinientes van xubilase 16.000 de los 70.000 autónomos qu’hai n’Asturies. Pa garantizar el relevu xeneracional, la Xunión de Profesionales y Trabayadores Autónomos (XPTA) va presentar güei al Gobiernu autonómicu un proyectu precursor pa que les y los estudiantes de FP Dual puean facer les sos práctiques nos pequeños comercios.

Namás un 13% de los autónomos asturianos tien menos de 35 años. Pa frenar la desapaición de los pequeños comercios, XPTA quier que la Formación Profesional Dual tea xunida directamente al relevu xeneracional.

De cara a incentivalos pa tresferir el so conocimientu a les y los estudiantes, el proyectu propón una tarifa plana invertida pola que, nos sos últimos años de carrera, los autónomos veríen descontada de la so cuota 200 euros mensuales qu’asumiríen les alministraciones.

XPTA presentará güei’l proyectu al Principáu y tamién solicitó al Ministeriu d’Educación qu’alivie les barreres alministratives na xestión de les práctiques pa que’l proyectu seya una realidá bien llueu.