Bocarte de bon tamañu y calidá nes primeres puyes col quilo a 3 euros

Descargaes más de 100 tonelaes nel primer día de campaña en Xixón

Quince barcos de cercu y arrastre, tanto locales como del País Vascu y Galicia, descargaron esta mañana más de 100 tonelaes de bocarte nel primer día de campaña en Xixón.

Los pescadores destaquen que la mercancía ye grande y de bona calidá, con un tamañu de 33 a 36 gramos, puyáu a aproximadamente 3 euros el quilo.

La esmolición de güei ye'l tiempu. Espérase malu pa mañana, y esta nueche van intentar aprovechar polo menos la media xornada. La temporada de la xarda sigue en marcha y esta mañana tamién se garraron más de 120 tonelaes.

A media tarde, la puya entá siguía nun bon entamu de campaña que se va estender hasta xunu.