Les obres n'El Ríu Piles Natural lleguen al 80% de la so fechura

La canal que dexaba'l pasu del agua al antiguu aniellu navegable en Les Mestes ta rellenándose

El total de les obres d'El Ríu Piles Natural algama'l 80% de la so fechura. Piénsase que los trabayos puean acabar en xunu pa poder usar el recintu de Les Mestes en branu pal Hípicu.

Nesta segunda fase ta rellenándose la canal de derivación qu'enantes llevaba l'agua al aniellu navegable y qu'agora desapaecerá.

La circulación siguirá esviada hasta entós. L’accesu peatonal sedrá paralelu a l'avenida Albert Einstein y el públicu podrá entrar a pie per Les Mestes. Los vehículos podrán aparcar nel aparcaderu alternativu de la cai Jesús Revuelta Diego.

Amás, ente mañana y el sábadu llevaránse alantre tres turnos de llimpieza con voluntariáu. Les inscripciones siguen abiertes.