Los productores envaloren que se van recoyer 500 quilos d'aguacate menos qu'otros años

Cabranes va celebrar esti fin de selmana un festival sobre l'aguacate

Esta campaña va haber menos aguacate que l'añu pasáu. Polo menos esa ye la situación que rexistra'l plantíu de 18.000 metros cuadraos y 700 árboles de Javier Cívicos en Valbuena, en Cabranes.

Anque nun ye un fechu únicu del aguacate sinón de tolos frutales, van siguir siendo bones cifres. El descensu ye por una primavera abondo húmeda.

Con gran parte yá recoyíu, anguaño delles variedaes yá florien pa la campaña de 2026. Pa celebrar la so actual collecha, el conceyu cabraniegu celebra esti domingu'l festival del frutu nel que van combinar l'aprendizaxe sobro'l so cuidáu y delles recetes cola música.

El preciu nel mercáu d'estos bocaos algama ente los 6 y los 8 euros el quilo según el so tamañu y la so producción ta cada vez más asitiada nel Principáu.