L'Acuariu de Xixón espón 40 exemplares de 18 especies terrestres venenoses

Víbores, llagartos, xaronques y dellos insectos consideraos como "los animales más letales del planeta" formen parte de la esposición

L'Acuariu de Xixón incorporó cuarenta exemplares de dieciocho especies terrestres portadores de sustancies altamente tóxiques na esposición 'Venenu: Natura letal', que s'inauguró esti xueves y va poder vese hasta'l próximu 8 d'avientu.

Víbores, llagartos, xaronques y dellos insectos consideraos como “los animales más letales del planeta” incluyéronse nos pasiellos del percorríu pa visitantes ente los estanques qu'alluguen la fauna marina.

La esposición, que foi inaugurada esti xueves nun actu al qu'asistieron autoridaes municipales y personalidaes del mundu académicu y científicu, forma parte del compromisu del Acuariu “cola divulgación y la defensa del mediu ambiente”, espresó'l director del centru, Alejandro Beneit.