L'ex-conceyal acusáu de la muerte d'un trabayador, diz qu'ésti xubió ensin permisu al teyáu

Les acusaciones particulares piden pal ex-conceyal cuatro años de cárcel

Vistu pa sentencia'l xuiciu escontra un ex-conceyal del Conceyu de Noreña, pola muerte d'un trabayador del plan d'empléu local.

L'home, de 51 años, morrió en xunetu de 2022 tres cayer d'un teyáu dende un altor d'unos seis metros. L'acusáu, asegura que foi'l trabayador el que decidió, pola so cuenta, xubir al teyáu.

Les acusaciones particulares, la popular de CSIF y la Fiscalía, piden pal ex-conceyal cuatro años de cárcel. Acúsenlu d'un delitu d'homicidiu por imprudencia y otru por frayar les midíes de prevención de riesgos llaborales.