Los pediatres aconseyen adelantar la segunda vacuna frente al sarapicu a los dos años

Asturies rexistra dos casos de sarapicu, unu d'ellos nel Hospital de Xarrio

L'Asociación Española de Pediatría (AEP) plantegó esti vienres el so apueste por adelantar la segunda dosis de la vacuna frente al sarapicu a los dos años, frente a los tres o cuatro d’anguaño, y reforzar la protección na adolescencia frente a la tosferina énte los cambeos na epidemioloxía en dambes infecciones.

Los espertos que participen dende esti vienres nes XVI Xornaes d'Inmunizaciones de l’AEP, que representa a cerca de 13.000 pediatres que trabayen tanto nel ámbitu hospitalariu como d'atención primaria, alvirtieron de que'l sarapicu y la tosferina son les dos enfermedaes que puen prevenise por aciu de vacunación con mayor tresmisibilidá y que más repiquen con biltos nos últimos años.

El coordinador del Comité Asesor de Vacunes y Inmunizaciones de l'Asociación Española de Pediatría, Francisco José Álvarez, apuntó que no que va d'añu rexistráronse n'España 150 casos de sarapicu, unu de los virus "más contaxosos qu'esisten", cuando en tou 2024 hebo 217 casos.

Asturies rexistra dos casos de sarapicu, unu d'ellos nel hospital de Xarrio.