La Llei de Participación Ciudadana echa a andar escuchando a los colectivos cola previsión de tramitala y aprobala en 2026

La norma busca ser innovadora y medrar l'abanicu de voces, col inxerimientu de menores de 16 años

Cerca de 40 persones en representación d’una ventena d’asociaciones y colectivos diéronse cita esta mañana en L’Infiestu pa debatir y facer propuestes sobre la futura Llei de Participación Ciudadana.

Un testu del que gocen prácticamente toles Comunidaes menos el País Vascu y Asturies. La norma, redactada pol catedráticu de la Universidá d’Uviéu Miguel Ángel Presno y el so equipu, busca ser innovadora y medrar l’abanicu de voces col inxerimientu de los menores de 16 años, de los estranxeros que vivan equí y tamién de los asturianos que tuvieren qu’emigrar.

Güei recoyéronse les reivindicaciones y pidimientos d’estos colectivos que dempués fadrán los artículos del testu definitivu.

La llei siguirá esti 2025 en fase de redacción y dempués tramitaráse y aprobaráse l’añu que vien.