Más d'un centenar de vecinos de Siero protesten escontra los planes del Conceyu pa la zona azul

Critiquen el cobru nos aparcamientos disuasorios y el perxuiciu pal pequeñu comerciu

Primer media hora gratuita, bonos mensuales de 30 euros p’aparcar en cualquier sitiu y costu d'un euru y mediu tol día nos aparcamientos disuasorios. Ye la propuesta del Conceyu de Siero pa la Zona Azul en La Pola y en Llugones. Midida escontra la que protestaron más d'un centenar de vecinos.

Comisiones Obreres, Partido Popular y Podemos secundaron la protesta por perxudicar al pequeñu comerciu y por nun ser una midida consensuada.

L'alcalde aseguró, sicasí, que'l modelu de zona azul entá nun ta zarráu. Pero que’l so oxetivu ye'l de facilitar la rotación de vehículos.

La propuesta definitiva, amiesta, nun se va decidir hasta ochobre, cuando acaba l'actual contratu de la Zona Azul.