Asturies pierde los sos dos proyectos pa la planta d'electrolizadores

El futuru del mercáu del hidróxenu va ser perimportante p'Arcelor

Asturies pierde los sos dos proyectos de creación d'una gigafábrica d’electrolizadores pa producir hidróxenu verde, mientres qu’en Guadalajara yá funciona la mayor factoría d'Europa. Arcelor confirmó qu'arrenuncia nel so plan lideráu por HyDeal pa 100 millones nuna factoría que xeneraría 200 empleos. La multinacional alemana Nordex apuesta finalmente por Navarra y non por Asturies pal so proyectu.

Tenía un ambiciosu plan d'investigación, recibiera pa ello 11 millones de subvención, pero finalmente Nordex quedóse con Navarra pa la so planta d’electrolizadores. El de la multinacional alemana especializada n'eólico yera unu de los proyectos que s'esperaben n'Asturies, pero non l'únicu.

El consorciu HyDeal entamaba crear cerca de 200 empleos y invertir 100 millones nuna gigafábrica d’electrolizadores n'Asturies, cabo Arcelor.

La compañía confirmó que'l proyectu nun s'espera que salga, que sí entamó en Guadalajara. Va unos díes el presidente del Gobiernu visitó les sos instalaciones recién llevantaes pa faer estos componentes necesarios pa ellaborar hidróxenu verde. Pel momentu, la fábrica de Guadalajara trabaya nun primer pidíu p’Alemaña.

El futuru del mercáu del hidróxenu va ser perimportante. Nordex nun cierra la puerta a que si la demanda empieza n'Asturies, podría plantegase la fabricación equí.