Coxersa pondrá en marcha 33 nuevos puntos de compostaxe comunitariu

Esti llunes remata'l plazu pa recibir una compostadora pal so güertu o xardín

Coxersa pondrá en marcha 33 nuevos puntos de compostaxe comunitariu pa los que cunta con 500.000 euros de fondos europeos. Asina lo anunció esti mediudía la conseyera de Transición Ecololóxica y Industria.

El nuevu puntu de compostaxe comunitariu de Santolaya (Cabranes), qu’esta mañana visitó la conseyera de Transición Ecolóxica y presidenta de Coxersa, formó parte d’un proyectu pilotu qu’agora dirá espardiéndose, de forma progresiva, a otros conceyos asturianos.

En daqué más d’un mes, el compostaxe comunitariu, que cunta con tres módulos nos que se produz el compost, afitóse en Cabranes.

En materia de residuos, el conceyu inxertará bien llueu un nuevu equipamientu.

El Puntu de Compostaxe comunitariu de Santolaya (Cabranes) ta asociáu a un nuevu puntu llimpiu de proximidá.

Esti llunes remata’l plazu pa recibir una compostadora pal so güertu o xardín        

Si quieren amestase a les 18.000 families que yá tienen una compostadora nel so güertu o xardín, entá tán a tiempu. Mañana zárrase’l plazu pa participar nel programa. Namás tienen que dir al so Ayuntamientu o inscribise al traviés d’Internet.

Una vegada rexistraos recibirán un contenedor y la formación pa l’autoxestión de los residuos de la güerta o cocina.

El resultáu, recuerda Coxersa, ye un fertilizante sostenible y de primer calidá.