Esmolición nel sector del taxi énte los intentos d'agresión en Xixón

Munchos taxistes eviten trabayar a ciertes hores de la nueche

Esmolición nel sector del taxi pola medría d'intentos d'agresión y impagos. Lo socedío na zona de Portuarios representa'l puntu cimeru d'una problemática que s'intensificó nos últimos tiempos.

Munchos taxistes eviten trabayar a ciertes hores de la nueche.

El gremiu tien tres sistemes de seguridá. El más tradicional ye la emisora, que-yos dexa comunicase directamente cola central. Pero esisten opciones más sofisticaes como les cámares de seguridá o'l botón d'alarma.

Per otru llau, dende'l sector aseguren que la medría de los medios de pagu electrónicos ye un elementu disuasoriu pa cualquier individuu que tenga males intenciones.