Les obres pa sacar a la lluz la muralla medieval d'Avilés entamen el 24 de marzu

El plan prevé la construcción de viviendes públiques, parking y espacios peatonales

El 24 de marzu va empezar el valtamientu de los edificios, del 40 al 48, del parque del Muelle y La Muralla, p'afayar la fortificación medieval. Al empar va faese un siguimientu arqueolóxicu. La mayoría de los trabayos van ser manuales al ser un elementu protexíu y singular. Tamién se va llevantar un mirador pela parte d’atrás y un centru d'interpretación. Nuna segunda fase va facese la urbanización del espaciu.

Esta actuación forma parte del plan conocíu como La Muralla-Los Alas, que plantega la reordenación d'esti espaciu teniendo en cuenta la muralla yá recuperada y que prevé la construcción de 55 viviendes públiques destinaes al arriendu pa mozos y un parking de 93 places.

L'actuación nel so conxuntu va tresformar los más de 4.300 metros cuadraos de les cais La Muralla, Los Afolís y les mazanes de Los Alas, Xovellanos y El Muelle. Son dos espacios separtaos, que col so desenvolvimientu urbanísticu va xenerar espacios peatonales que dexen esfrutar de la muralla medieval.