Monchu García siguirá al frente del PSOE xixonés y apuesta por recuperar l'alcaldía en 2027

El secretariu xeneral de l'agrupación socialista prefier la bicefalia pa les municipales

Monchu García siguirá al frente del PSOE xixonés. Ta convencíu de que volverán a l’alcaldía en 2027. Sobre la persona qu’encabece la candidatura, insiste en que nun tien que ser necesariamente él y que la militancia decidirá.

José Ramón García prefier qu’haya bicefalia. Ye dicir, que per un llau tea’l secretariu xeneral de l’agrupación socialista y, per otru, el candidatu o candidata a l’alcadía nes municipales vinientes. Detractor de les llistes úniques, prefier el debate internu.

García diz sentise sofitáu pola FSA. El so secretariu xeneral, ausente na cita de Xixón, felicitólu al traviés de 'X'. Sí lu acompañó’l secretariu d’organización, alliniáu cola idea de recuperar l’alcaldía.

En 2022, Monchu García impúnxose a la otra llista por 48 votos. Tres años dempués, algamó sacar 273 más que Fran López.