Nortur, el Salón de Turismu del Norte, cuantifica nun 20% la medría de ventes

Los visitantes afiten una xubida de los precios de les autocaravanes

L’espoxigue del turismu de caravanes y campers nótase nes ventes, al rodiu del 20%, cuantifiquen los espositores del Salón de Turismu del Norte, Nortur, que pon fin a la edición d’esti añu con bonos resultaos.

Y eso que, pa los compradores, los precios xubieron hasta tres vegaes más que va 10 años. Les autocaravanes nueves ronden ente los 60.000 y los 128.000 euros.

L’alquiler d’estes cases con ruedes vuélvese la opción más asequible. La renta per día, d’una Camper, cífrase ente 90 y 135 euros.

En cuantes a visitantes, Nortur, algama los 11.000 de la pasada edición, a falta del balance final.