Javier Fernández Lanero aspira un nuevu mandatu como secretariu xeneral d'UXT n'Asturies

La de Fernández Lanero, enagora, ye la única candidatura que concurre al congresu rexonal de la selmana que vien

UXT Asturies celebrará n’Avilés el 1 y 2 d’abril el so congresu rexonal. La de Javier Fernández Lanero ye, enagora, la única candidatura a dirixir el sindicatu. Marca les llinies d’actuación que tienen un pilancu: "Asturies o ye industria o nun sedrá nada".

Una industria que tien que ser verde con Arcelor como llocomotora y a la multinacional esixen que cumpla los sos compromisos d’inversión y nun descarten movilizaciones si nun lo faen. Industria que tien que ser tamién de defensa, UXT pide a Indra y General Dynamics qu’amuesen los sos planes de futuru p’Asturies.

Y un futuru que pasa por Hunosa, UXT insiste en que seya una empresa enerxética pública.