El Principáu medra en 800.000 euros el presupuestu de sofitu al inxerimientu

La conseyera de Bienestar Social visita Onda Diversidá, un programa de radio fechu por usuarios del CAI de Villalegre

La conseyera de Derechos Sociales y Bienestar, Marta del Arco, destacó esti martes que se fizo “un importante esfuerzu” pa medrar en 800.000 euros el presupuestu dedicáu a les actividaes nos centros d’apoyu al inxerimientu.

En concreto, el Principáu medró la partida destinada a esti añu pal desendolcu d’un mayor númberu de talleres, que tienen que ver col arte y l’apuesta pola diversidá, pa la rede de centros d’atención d’Asturies.

La conseyera esplicó que se trata de visibilizar y, sobre manera, de da-y voz y presencia a toles actuaciones que van na Axenda Asturiana de Discapacidá hasta 2030 y que tien que ver cola promoción de l’autonomía personal o la equidá, ente otros oxetivos.

La conseyera fizo esa anuncia nuna visita al Centru d’Apoyu al Inxerimientu (CAI) de Villalegre, onde foi entrevistada por cuatro persones que participen nel programa de radio 'Diversidá n’onda' y asistió a la representación teatral 'El trasgu y sus instrumentos'.