El fiscal caltién el so pidimientu de nueve años y mediu de cárcel escontra l'acusáu d'intentar matar a la so pareya en Corvera

La víctima declaró que nun "ataque de celos" l'home atacóla con un cuchiellu

El fiscal xubió esti martes a definitivu’l so pidimientu de nueve años y mediu de cárcel por un delitu d’homicidiu en grau de tentativa pal acusáu d’intentar matar con un cuchiellu a la so pareya nuna vivienda de Corvera, na que tamién taba’l fíu menor de la víctima.

Como alternativa a esa calificación, el fiscal interesa una pena de cinco años de prisión por un delitu de mancadures graves.

La Sección Tercera de l’Audiencia Provincial celebró esti martes la vista oral escontra’l procesáu, qu’aseguró que nun recuerda nada de lo que pasó’l día de los fechos, el 10 d’ochobre de 2023, anque fizo usu del derechu a la última palabra pa pidir "perdón" a la víctima.