Entamen les pruebes de circulación nel soterramientu de Llangréu dempués de 16 años d'obres

L'ayuntamientu de Llangréu acusa a la conseyería de Fomentu de falta de tresparencia a la hora de concretar plazos pa les obres

Dempués de más de 16 años d’obres, quexes de vecinos y reproches cruzaos ente alministraciones los trenes circulen pel soterramientu de Llangréu.

Fáenlo dende ayeri en pruebes dempués de qu’Adif ampliare dos meses el corte de la llinia zarrada en xineru. Dende entós los pasaxeros son tresportaos n’autobús hasta El Berrón y asina sedrá, de mano, hasta mayu. Pendiente ta tamién la urbanización de los tarrenes lliberaos que tampoco se llibra de la polémica.

L’ayuntamientu de Llangréu acusa a la conseyería de Fomentu de falta de tresparencia a la hora de concretar plazos pa les obres.