Les rederes del Cantábricu xúnense pa dignificar la so profesión

La profesión ta en peligru de desaniciu pola falta de relevu xeneracional

Les rederes de Galicia, Asturies, Cantabria y el País Vascu impulsaron un frente común pa reivindicar mayor visibilidá nes alministraciones, meyorar los sos espacios de trabayu, promover midíes socioeconómiques poles paraes estacionales de la flota pesquera y garantizar un salariu dignu penriba del mínimu interprofesional apunta María Teresa Costales, presidenta de l’Asociación de Rederes de Baxura d’Asturies.

Les rederes del Norte d’España xuniéronse, amás, pa lluchar escontra l’intrusismu profesional, ún de los principales problemes a los que s’enfrenta’l colectivu anguaño. Precisamente, les muyeres de la mar tamién reivindiquen desendolcar les iniciatives afayadices pa garantizar el relevu xeneracional.

Según un informe de la Rede Española de Muyeres del Sector pesqueru, Asturies cuntaba con 34 rederes actives nel 2010, pero les más yá se xubilaron.