El Principáu sofita a Somiedu poles cuasi 700 hectárees en disputa con Lleón

Les alministraciones asturiana y lleonesa presentarán recursu de casación énte'l Supremu

Somiedu y el Principáu presentarán dos recursos de casación énte’l Tribunal Supremu poles 700 hectárees que’l conceyu tien en disputa col pueblu lleonés de Cabril.lanes, y qu’afecten a El Puertu. Ente los principales argumentos que presentarán ta un documentu, de va 240 años, que nun foi robláu pol representante somedanu, polo que nun amosó’l so preste.

Los tarrenes en disputa son d’usu ganaderu, polo que podría afectar a les ayudes que Somiedu recibe de la PAC.

Per parte de so, pa los vecinos ye un abusu porque eses llendes afitáronse nos sieglos XIX y XX.

Sicasí, tanto’l Principáu como’l consistoriu defendieron qu’anque namás s’almite un 1% d’estos recursos, fai falta plantegalu.

El Principáu también acompañará a Allande nel so conflictu de llende col conceyu llucense de Negueira de Muñiz. Asina lo dixo’l conseyeru d’Ordenación de Territoriu, Ovidio Zapico.

Amás, aseguró que yá se ta estudiando’l problema qu’afecta a una zona de recursos forestales y pastizales na que’l Principáu invirtió va tiempu.