El valor de la pesca que se puya nes rules asturianes medró un 16,5% en 2024, según Sadei

El preciu de la xarda dispárase hasta los dos euros el kilo, el doble que lo avezao pola falta de captures

L'añu pasáu les rules asturianes puyaron pescáu por valor de más de 67 millones d'euros. Ye una xubida del 16,5%, según datos asoleyaos por Sadei, la Sociedá d'Estudios Económicos y Industriales.

En 2024 tamién medraron les descargues un 9,5%, superando les 20.000 tonelaes de pescáu.

La meyoría del exerciciu pasáu contrasta col mal añu que supunxo el 2023 pa la rula del pescáu n'Asturies.

El preciu de la xarda dispárase hasta los dos euros el kilo, el doble de lo avezao pola falta de captures nel Cantábricu nos primeros quince díes de costera.

El preciu de la xarda dispárase hasta los dos euros el kilo, el doble de lo avezao pola falta de captures

Una docena de barcos de cercu vinientes de Galicia entraron de madrugada con unos 20.000 kilos de xarda nel cai de Llastres, pero les captures de les embarcaciones de baxura son prácticamente insignificantes.

Los barcos de cercu capturen a la especie a mayor fondura, mientres que los de baxura fáenlo con anzuelu a pocos metros de la superficie.