La Policía Local d'Uviéu nun multará enagora a les bicicletes que circulen per peatonales

Asturies Con Bici caltién la concentración del sábadu y pide la creación d'un Observatoriu na ciudá

La Policía Local d’Uviéu nun multará enagora a les bicicletes que circulen per cais peatonales si van a una velocidá afayadiza y prudencia hasta que se redacte la nueva Ordenanza de Tráficu.

Asina lo treslladó esta mañana Seguridá Ciudadana a l’Asociación Asturies Con Bici dempués de les quexes feches pol colectivu.

Nesa xunta tuvo presente tamién la empresa encargada de diseñar la Zona de Baxes Emisiones.

L’Ayuntamientu dio la mano a l’asociación pa escuchar les sos propuestes. El miércoles de la selmana viniente habrá una nueva xunta.

Asturies Con Bici caltién, eso sí, la concentración d’esti sábadu y pidirá al Consistoriu la creación d’un Observatoriu de la Bicicleta na ciudá.