El plenu aprueba entamar l'espediente de contratación de la nueva zona azul de Siero

El proyectu inclúi un abonu de 30 euros mensuales por aparcar ensin llende en zona azul

El plenu aprobó entamar l'espediente de contratación de la nueva zona azul de Siero. Entá podría haber cambeos sobre lo anunciao pol gobiernu local.

A pesar d'ello, Partido Popular, Vox y Podemos votaron a la escontra por considerar que solo tien enfotu recaldatoriu.

El proyectu inicial inclúi un abonu de 30 euros mensuales por aparcar ilimitadamente en zona azul. L'aumentu d'estes árees de pagu y les sos tarifes van ser aldericaes hasta aprobar la normativa definitiva. Por ello, Izquierda Xunida abstúvose.

Na oposición, solo la Plataforma Vecinal de La Fresneda votó a favor.

El gobiernu local asegura que busca favorecer la rotación y facilidá p’aparcar nun conceyu con 35.000 vehículos censaos.

El centru de reutilización de residuos de Coxersa va tener una superficie de 5.000 metros cuadraos

El centru de reutilización de residuos proyectáu por Coxersa en Siero va tener una superficie de 5.000 metros cuadraos nos que va haber espacios destinaos al arreglu y a la educación. Coxersa llicitará esti proyectu la próxima selmana en daqué más de 700.000 euros.

La instalación, allugada nel antiguu Bancu Herrero de Granda, va dedicase a recibir y preparar pa la reutilización dellos tipos de residuos, como testiles, aparatos eléctricos, muebles y enseres.

La previsión ye que'l centru entre en funcionamientu en 2027.