La supervivencia de pacientes con cáncer de próstata pasa de dos a 10 años nuna década

Asturies celebra les xornaes 'El HUCA: 10 años innovando en Oncología'

Va 10 años tener un tumor de próstata n’estáu avanzáu suponía una tasa de supervivencia de malapenes dos años. Anguaño, pue superar los 10. Tamién s’algamó meyorar la calidá de vida en pacientes con tumores n’estaos menos avanzaos, sobre manera gracies a les ciruxíes robótiques y llaparoscópiques.

El retu agora ye algamar estes meyores nos cánceres de vexiga, esplica Jesús María Fernández, xefe d’Uroloxía del HUCA.

De los avances n’uroloxía falóse esta tarde nes xornaes 'El HUCA: 10 años innovando en Oncología', un programa que celebra’l décimu aniversariu del nuevu edificiu mirando pal futuru.

Un futuru que pasa, dicen los espertos, yá non sólo pola robótica, que ye imprescindible, sinón pola teleciruxía; facer intervenciones onde’l ciruxanu especializáu pue tar nel HUCA y el paciente, por exemplu, nel Valle del Nalón.

L’Hospital Clinic de Barcelona planea entamar a facelo nun añu con otros tres centros de menor tamañu. Los hospitales necesiten, eso sí, tener un robó que supondría una inversión que ronda enagora’l millón d’euros.

A eso habría qu’amestar, amás, la meyor y más rápida recuperación de los pacientes.