El Principáu va invertir 3,5 millones d'euros na rehabilitación de 71 viviendes en Villaviciosa

Villaviciosa dexa una parcela pa una nueva promoción de vivienda pública

El Principáu va invertir 3,5 millones d'euros na rehabilitación de 71 viviendes sociales na cai Pintor Guillermo Simón de Villaviciosa.

Ye lo qu'anunció'l conseyeru de Vivienda Ovidio Zapico esta mañana tres axuntase col alcalde, Alejandro Vega. Los trabayos van empezar nes últimes selmanes d'anguaño con actuaciones na cubierta, les ventanes, la envolvente térmica y l'accesibilidá.

Amás, el consistoriu cedió al Principáu una parcela na Avenida del Carbayu pa una nueva promoción de vivienda pública pero pa la qu'inda nun hai fecha.

Per otru llau, el proyectu de la sienda na marxe derecha de la ría de Villaviciosa va tar llistu dempués de Selmana Santa pero les obres nun van entamar hasta finales de 2026.