L'HUCA evalúa al añu unos 500 casos de cáncer de mama coles técniques más innovadores de diagnósticu y tratamientu

El centru hospitalariu ta a la vanguardia en ciruxía reconstructiva en pacientes con cáncer oral    

L’HUCA evalúa al añu unos 500 casos de cáncer de mama coles técniques más vanguardistes de diagnósticu y tratamientu. Parte d’esi éxitu ta nel usu de técniques más precises y afayadices a cada paciente y na capacidá pa detectalu enantes.

La evolución na ciruxía tamién foi bulable. Nel 70% de los casos caltiénse la mama. La meyora tamién ye apreciable nes mastectomíes.

El centru hospitalariu tamién tien capacidá pa facer radioterapia na ciruxía, de manera que, nos casos nos que se necesite, evítase que la paciente tenga que dir a sesiones dempués.

Esta mañana espertos analizaron los avances que nestos 10 años d’existencia inxertó’l nuevu hospital.

Al máximu nivel ta tamién l’HUCA en ciruxía tumoral maxilofacial. Y sobre esa innovación falaron profesionales como’l catedráticu de Ciruxía Maxilofacial de la Universidá d’Uviéu, Juan Carlos de Vicente.

L’especialista esplica que les ciruxíes nos casos de cáncer oral xunen ciencia, técnica y inclusive arte. Y ello ye por mor de que garrando texíos d’otres zones del cuerpu fáense reconstrucciones na zona afectada que dexen que munchos pacientes, dempués d’ente seis meses y un añu, puean facer vida normal dafechu.