La Federación d'Asociaciones Vecinales de Xixón refuga'l desendolcu urbanísticu propuestu ayeri por Xixón al Norte

El PP llamenta qu'haya na ciudá un escepticismu xeneral dempués d'años de retrasos nel plan de víes

La Federación d’Asociaciones Vecinales de Xixón refuga’l desendolcu urbanísticu propuestu ayeri por Xixón al Norte y solicitará al Ayuntamientu la creación d’una mesa de siguimientu. Per parte de so, el Partido Popular llamenta qu’haya na ciudá un escepticismu xeneral dempués d’años de retrasos nel plan de víes. Dende’l consistoriu afirmen que supervisarán el cumplimientu de los compromisos.

Dende la Federación d’Asociaciones Vecinales de Xixón pidirán al Ayuntamientu la creación d’un Conseyu Social de la ciudá de Xixón pa que s’espliquen los beneficios d’esti alcuerdu. El presidente, Manuel Cañete, criticó qu’hasta que nun entamen les obres, nun lo creerán. Amás, señaló que’l proyectu d’El Solarón nun cumple coles espectatives de la federación.

Dende’l Partido Popular busquen baxar les espectatives por mor del escepticismu xeneralizáu na ciudá, causáu polos retrasos y incumplimientos nes obres.

Dende Foro valoren de manera positiva la creación d’una mesa de siguimientu, na que yá s’afitó una fecha pal entamu de la fase ún, que piensen que sedrá pa setiembre de 2026. Esta fase inxertará l’esbarrumbe del viaductu de Carlos Marx y l’afayamientu de tol so entornu, como pasu enantes de la gran inversión na estación intermodal y al plan de víes.

Según les diferentes propuestes, Jesús Martínez defende l’alta edificabilidá. L’Ayuntamientu siguirá supervisando pa que se cumplan los compromisos. Dientro d’unos meses roblaráse’l conveniu y, en menos d’un añu, llicitaráse la obra.