Pumariega reconoz que delles empreses tán interesaes n'instalase na Zalia

La teniente d'alcaldesa de Xixón alvierte que ye necesario ser prudentes

La vocera del grupu municipal del PP y teniente d'alcaldesa de Xixón, Ángela Pumariega, reconoció que yá se tán dando "contactos con delles empreses" que s'interesaron polos terrenos de la Zalia.

Pumariega amosó'l so enfotu en que, nel momentu que recale la primer empresa, "va ser tractora" pa qu'otros proyectos quieran instalase ende.

Ángela Pumariega alvierte que ye necesario ser prudentes hasta que los proyectos se lleven alantre.