Tomé presenta 'Somos Asturies' con voluntá d'unidá pa ocupar l'espaciu d'izquierda

Covadonga Tomé apella a la xenerosidá y responsabilidá de la izquierda pa dir de la mano

La diputada del Grupu Mistu na Xunta Xeneral del Principáu, Covadonga Tomé, parllamentaria de Podemos hasta la so espulsión en marzu del añu pasáu, presentó esti sábadu la plataforma ciudadana 'Somos Asturies', una agrupación política y social que busca "ocupar” xunto a otres organizaciones l’espaciu de la izquierda.

Acompañada pol músicu Xune Elipe, qu’ocupó’l puestu númberu dos na candidatura autonómica de Podemos nes elecciones pasaes, y pol ex-diputáu autonómicu Enrique López, ente otros ex-cargos de la formación morada, Tomé dixo que "tien la intención d’axuntar" a la izquierda, pa lo que pidio un "esfuerzu de xenerosidá" y dexó "les puertes abiertes a tol que quiera llegar".

Nun actu qu’axuntó a un centenar de persones nel local Les Cigarreres, en Xixón, la diputada rexonal recordó que 'Somos Asturies' entamó a xestase va once años, cuando se rexistró como marca y foi formándose como corriente interna de Podemos Asturies, y destacó que "sigue agora" pa "enfrentase al terrible avance de la derecha y ultraderecha".