Propietarios de viviendes concéntrense escontra la inquiokupación y esixen desallugos y compensaciones de l'Alministración

Unos cincuenta propietarios reclamen la derogación del Real Decretu que, dende la pandemia, prohíbe los desallugos

Concentración escontra la inquiokupación en Xixón. Más de mediu centenar de propietarios de viviendes con inquilinos que nun tán pagando l'arriendu reclamaron la derogación del Real Decretu que, dende la pandemia, prohíbe los desallugos. Esixen tamién a les alministraciones que-yos compensen poles deldes acumulaes por cuenta d’esos impagos.

Xineru de 2022 ye l'últimu mes que la inquilina de Silvia Viniegra pagó l'arriendu. Dos xuicios favoratibles y dos órdenes de desallugu dempués, el problema sigue. Son 17.000 los euros debíos. La causa, un informe de vulnerabilidá presentáu pola rentera a les puertes d'una nueva prórroga del Escudu Social señala Silvia Viniegra, propietaria de vivienda afectada.

La falta d'alternatives habitacionales dende lo público ye una de les causes del problema, apunten. Otru, el de persones que s'escuden nel decretu pese a ser solventes. Asina lo piensa Alfredo Alonso. Nel so casu lleva 8 años d'impagos y 7 desallugos anulaos apunta Alfredo Alonso, propietariu de vivienda afectada.

A eso súmase quien, por contratu, tamién tán obligaos a pagar la lluz y l'agua del inquilín asegura Luis Antonio Pérez, fíu de propietarios de vivienda afectada.

El fin de les prórrogues del Real Decretu y el pagu de compensaciones poles perdes son les principales reivindicaciones de los afectaos.