El Principáu autoriza 21,6 millones pal centru d'educación especial de Montecerrao

Les obres van allargase 24 meses

El Gobiernu d'Asturies autorizó esti llunes un gastu de 21,6 millones pa la construcción del centru d'educación especial de Montecerrao, n'Uviéu, unes obres que se van allargar 24 meses.

Ye la mayor inversión fecha hasta agora nun colexu públicu y el so financiamientu repártese en tres exercicios: dos millones p’anguaño, 12,1 pal próximu y 7,5 en 2027.

Según informó'l Gobiernu asturianu, esta distribución de los fondos foi posible gracies a un cambéu de la llende vixente de gastu pluriañal aprobada pol Principáu'l mes pasáu.