El PP pide la dimisión de Belarmina Díaz, Nieves Roqueñí y Enrique Fernández

El PP cree que'l Gobiernu asturianu "falló" y "nun actuó cola debida dilixencia"

El Partido Popular aseguró esti sábadu que’l Gobiernu asturianu “falló y nun actuó cola debida dilixencia" en rellación a l’actividá de la empresa a la que’l Principáu concedió los permisos na mina de Zarréu, na que’l llunes pasáu morrieron cinco trabayadores y otros cuatro resultaron mancaos.

El diputáu del PP Rafael Alonso aseguró, en rueda de prensa, que la "meyor amuesa de respetu" a la familia minera, a los muertos y a los mancaos ye "esclariar con total tresparencia les responsabilidaes de la traxedia", polo que pidió la comparecencia na Xunta Xeneral del presidente, Adrián Barbón, que "tien que dar la cara", y de la conseyera Belarmina Díaz, que yera la directora xeneral de Mines cuando se concedieron los permisos.

El parllamentariu popular dixo que la pérdida de vides pon de manifiestu que "se fizo daqué mal" y amosó la so esmolición polos detalles conocíos nos últimos díes dempués del siniestru.

"El nuestru oxetivu ye que s’espliquen toles circunstancies y sobre manera l’actividá del Principáu; afitar los fechos ye necesario pa que nun se repitan nunca más", dixo.