"Nun matamos a Ardines", dicen los presuntos sicarios al rematar el xuiciu

La defensa de Jesús Muguruza ve intacta la so presunción d'inocencia

Los dos acusaos d'asesinar por dineru al conceyal d'IX de Llanes Javier Ardines caltuvieron esti vienres que "nun mataron" al edil y, ente llantos, negaron tener rellación dalguna col crime, mientres que'l presuntu inductor y l'intermediariu optaron por nun usar el turnu d'última palabra nel xuiciu con xuráu que se desenvolvió a lo llargo d'esti mes na Audiencia Provincial.

La defensa del acusáu de mediar ente'l presuntu inductor del asesinatu del conceyal d'IX de Llanes Javier Ardines y dos sicarios apelló esti vienres de primeres de presunción d'inocencia pa desvenceyar a Jesús M. de cualquier participación nel crime.

L'abogáu defensor Luis Mendiguren aseguró que Jesús M. tien intactu'l principiu de presunción d'inocencia porque a lo llargo de cuasi una ventena de sesiones dende l'entamu del xuiciu con xuráu que se desenvuelve na Audiencia Provincial escontra los cuatro acusaos del asesinatu nun se pudo probar la so implicación.

Les defenses de los dos presuntos sicarios acusaos de cutir y estrangular hasta la muerte al conceyal d'IX de Llanes Javier Ardines cuestionaron esti vienres la investigación de la Guardia Civil al sostener qu'hai munches llagunes que torguen que'l xuráu puea algamar un veredictu de culpabilidá.