'Acougo de PitaSana', un proyectu pa desconectar de les tensiones y l'estrés

La iniciativa ufierta espacios y actividaes relaxantes nel mediuambiente

'Acougo de PitaSana' ye un particular proyectu pa desconectar de les tensiones y l’estrés del día a día al traviés d’esperiencies nel mediu rural en Bual.

'Acougo' significa tar en calma. Oxetivu principal d’esti proyectu: ufiertar espacios y actividaes relaxantes nel mediuambiente. La granxa de tres hectárees ye ún de los dos escenarios de 'Acougo de PitaSana'. Puntu de recepción de los visitantes y puntu de partida de la experiencia, esplica Noelia García.

En marcha dende l’agostu pasáu quier ser una ponte ente la ciudá y el campu. Nada como’l contactu cola naturaleza y los animales, o la práctica d’actividaes culturales y físiques pa recuperar l’equilibriu perdíu.

Un 'coliving' nuna antigua pensión na capital del conceyu de Bual, a un par de kilómetros, completa esti proyectu.

Los antiguos espacios comunes tesformáronse en llugares de convivencia onde temes como la güerta autosuficiente, la concienciación sobre’l consumu, la salú o l’alimentación ocupen les temátiques de caldía.

Un proyectu cuasi únicu n’Asturies onde tomar aire, reflexonar y por qué non, camudar de rumbu vital.

Una iniciativa alloñada de lo avezao y onde la naturaleza xuega un papel clave pa desconectar y sentir esi cada vegada más buscáu acougo dende l’occidente d’Asturies.