'La Ribera del Narcea' y 'Carpas El Neno', una propuesta distinta pa les celebraciones

José Manuel Álvarez y Ana María Fernández sumen servicios en Cangas

'La Ribera del Narcea' ye l'últimu pasu, hasta agora, d'un proyectu qu'empezó fai más de cinco años, cuando José Manuel Álvarez y Ana María Fernández s'encargaron de les barres nes fiestes de los pueblos. Foi ehí, onde vieron la oportunidá, d'embarcase nun negociu n'alza que tenía poca ufierta na contorna, el del arriendu de carpes.

'Carpas El Neno' cuenta con más de 3.000 metros d'estructura de carpes pa tou tipu d'usos, h.aimes y capacidá y moblame pa más de 2.100 persones. 'Carpas El Neno' foi evolucionando y sumandos servicios hasta convertise nuna empresa d'eventos.

Fueron incorporando tou tipu de servicios como cacía y moblame, barres de chigre, lluz, climatización, baños o escenarios. Caltienen esta llinia de negociu encargándose d'eventos per tola contorna occidental, anque empresten servicios en toa Asturies.

Amás dieron forma a una idea paralela, 'La Ribera del Narcea', un llugar únicu, en La Riela, onde poder facer eses celebraciones. Incorpora toos esos servicios qu'ufierten fuera y suma les ventayes d'un sitiu cuidáu y preparáu pa tou tipu d'eventos, con distintos espacios.

'La Ribera del Narcea' ufierta distintos ambientes, con un área xunto al ríu, dos aparcamientos, zona de baños y un espaciu interior insonorizáu, qu'esperen poder ampliar pa eses celebraciones que s'allarguen.

Cuando taba too llisto pa inaugurar, empezó la pandemia, y tuvieron que retrasar la puesta de llargo, pero'l negociu salió alantre y esta temporada yá tienen reservaes 16 comuniones y cinco bodes, aparte d'otru tipu de celebraciones y fiestes más pequeñes. Y yá tán pensando nos sos próximos proyectos.