Una empresa del Bierzu quier reabrir l'antigua mina d'Hullas Coto Quirós

Quieren esplotase 100 cuadrícules mineres, qu'equivalen a 2.700 hectárees

La empresa Carbones y Destierres de El Bierzo S.L., propiedá del empresariu Manuel Iglesias, cuenta dende 2015 con una autorización de la Conseyería d'Industria pa investigar les capes de l'antigua Hullas Coto Quirós.

Les resultaos son positivos. Por eso van entamar en nada a trabayar nel proyectu d'esplotación y nel plan de restauración y d'impactu medioambiental de la mina, que quieren presentar al Principáu'l próximu añu, xunto col pidimientu de l'autorización pa esplotar.

Quieren esplotase 100 cuadrícules mineres, qu'equivalen a 2.700 hectárees, siempres fuera del Parque Natural de Las Ubiñas, yá que nel so terrén ta parte del xacimientu. Podríen sacase ente 70.000 y 100.000 tonelaes al añu con una plantiya de 100 trabayadores.

L'antigua Hullas Coto Quirós, que quier reabrise, cesó la so actividá nos años 90.