Acaba'l xuiciu escontra Castillejo que caltién la so inocencia

Fiscalía y acusación caltienen el so pidimientu de cárcel

El xuiciu na Audiencia Provincial escontra Pedro Castillejo por apropiación indebida de fondos del SOMA acabó.

Queda vistu pa sentencia y nes conclusiones, Fiscalía y acusación particular caltienen el pidimientu de tres años y mediu y cinco de prisión respectivamente.

Nel so últimu turnu de palabra, visiblemente emocionáu, Castillejo volvió a declarase inocente. Asegura tener la conciencia mui tranquila porque xustificó tolos sos gastos y nun se quedó nengún céntimu del Infide.

Güei tamién declararon los péritos mentaos pola acusación y la defensa y el secretariu xeneral del SOMA.

José Luis Alperi aseguró que Pedro Castillejo negóse a xustificar gastos cuando-y desplicaron el resultáu de l'auditoría encargada pol sindicatu sobre les cuentes de la organización.