Activáu'l protocolu de contaminación nel área d'Uviéu

Xixón endurez les midíes polos elevaos índices de contaminación

El Principáu volvió activar el protocolu d'actuación énte episodios de contaminación del aire nel so nivel preventivu na zona d'Uviéu al dase per tres díes consecutivos niveles altos de partícules en suspensión na atmósfera y esistir condiciones desfavorables de ventilación.

Xixón endurez les midíes polos elevaos índices de contaminación

Un control de la Policía Local llenda'l puntu a partir del qu'entra a valir el protocolu por episodios d'alta contaminación en Xixón.

Na avenida Príncipe d'Asturies, los axentes encargaos de vixilar que nun se pase la llende máxima de velocidá de 90 kilómetru per hora y de cortar el pasu a cualquier camión cargáu de granel que quiera llegar a El Musel per esta vía.

Nes instalaciones portuaries riégase'l parque de carbones. La mayor parte de los camiones lleguen al traviés del túnel d'Aboño. Non mui lloñe, la estación d'El Lauredal sigue amosando los peores niveles de contaminación. Nada nuevo pa los vecinos.

El segundu puntu esmolecedor ta en La Calzada. La estación de l'avenida de L'Arxentina sigue amosando valores altos.

Dende'l Conceyu de Xixón nun se prevé baxar el nivel d'alerta hasta que les condiciones meteorolóxiques seyan más favorables.