Adecco analiza con empreses asturianes les estratexes p'atrayer, desendolcar y fidelizar talentu

El sector tecnolóxicu, el de la salú y la industria del metal, con torgues p'alcontrar trabayadores

El sector tecnolóxicu, el de la salú y los trabayos venceyaos cola industria del metal son los que más torgues tienen enagora n’Asturies p’alcontrar trabayadores afayadizos.

El Grupu Adecco celebró güei un alcuentru con responsables de recursos humanos de delles compañíes asturianes pa falar de les estratexes p’alcontrar y retener talentu.

Les condiciones económiques son importantes, pero dende Adecco señalen qu’ún de los aspectos que faen más atractives a les empreses ye la so capacidá pa formar.