Adelántase la recoyida del kiwi n'Asturies énte l'amenaza d'inundacioes

Recuéyense daqué más de 30 tonelaes per hectárea

A poco mas d'un metru del so nivel máximu. Asina cuerre'l riu Nalón al so pasu per Santianes, onde hai una finca de kiwis. Les alertes mariella y naranxa van siguir los próximos díes. Por eso, énte posibles desbordamientos, nesta plantación decidieron adelantar una selmana la recoyida de kiwis pa evitar que l'agua destruya'l so trabayu de tou un añu.

Por suerte pa ellos, esti adelantu na recoyida nun sedrá un problema pa la calidá del productu.

Les bones condiciones meteorolóxiques d'esta temporada fixeron que los frutos tean nel so estáu óptimu pese a facelo enantes. Por eso esperen recoyer daqué más de 30 tonelaes per hectárea. Cuasi 300 en total.

Anque ye la primer vegada que los desbordamientos amenacen en tiempu de recoyida, sí son avezaos n'otros momentos d'añu.

Per delantre, queden entá, dellos dias de trabayu a contra reló pa poder tastiar una de les frutes mas tradicionales de la zona.