Alcoa decide siguir cola ufierta de compra que presentó’l fondu suizu Parter Capital

Entovía nun hai un alcuerdu final pa la venta

El fabricante d’aluminiu Alcoa decidió siguir cola ufierta de compra que presentó’l fondu suizu Parter Capital poles plantes de la compañía n’A Coruña (Galicia) y Avilés (Asturies), anque nun hai entovía un alcuerdu final pa la venta.

Fontes de la compañía dixeron esti vienres que la ufierta de Parter da oportunidaes de futuru pa les dos plantes, incluyida la posibilidá de recuperar la producción d’aluminiu primario.

Amás, Parter aceptó una de los principales requisitos d’Alcoa, que ye’l caltenimientu del trabayu y les condiciones de trabayu polo menos dos años.

La otra ufierta cola que se tuvo trabayando pa vender les dos plantes qu’Alcoa quería zarrar, anque nunca hubo confirmación oficial, yera la del fondu alemán Quantum Capital Partners, que yera pa la planta d’Avilés.